Arabako Foru Aldundiak berdintasunaren aldeko proiektuak lagunduko ditu
Arabako Foru Aldundiak, lurraldean berdintasunaren sustapena ahalbidetzeko, 279.113 euro bideratuko ditu irabazi asmorik gabeko 44 elkarteren eta erakunderen proiektuak babestera. Helburu nagusiak emakumeen ahalduntzea, indarkeria matxisten prebentzioa, aniztasunaren sustapena eta gizarte sentsibilizazioaren indartzea dira.
Foru Aldundiak onetsi duen diru laguntza deialdiak, emakumeen eta gizonen arteko berdintasunari buruzko jaurdunbideak garatu nahi dituzten ekimenak lagunduko ditu. Diruz lagundutako proiektuak LAIA Emakumeen Berdintasunerako eta Jabekuntzarako Arabako Lurralde Sarearen urteko programazioaren parte izango dira. Horrela, administrazio publiko eta pribatuen arteko lankidetza bultzatu nahi da.
Onuradunen artean, elkarte feministak, emakumeen elkarteak, gizarte erakundeak eta hezkuntza esparruan lanean diharduten kolektiboak aurki daitezke. Halaber, Arabako ikastetxeetako gurasoen 18 elkartek ere parte hartuko dute proiektu honetan.
