Arabako Arte Ederren Museoak Fantasia eta Arrazoia erakusketa inauguratuko du
Arabako Arte Ederren Museoak asteartean, maiatzaren 19an, Fantasia eta arrazoi erakusketa inauguratu du. Erakusketa 2027ko otsaila arte egongo da ikusgai eta Francisco de Goya pintore espainiarraren lau estanpa serie handiak bildu ditu: Kapritxoak, Gerraren hondamendiak, Tauromakia eta Burugabekeriak.
Aurkezpenean, Ana del Val, Arabako Aldundiko Kultura eta Kirol Saileko foru diputatuak, eta Sara Gonzalez de Aspuru, Museoaren arduraduna, azaldu zuten artelanok 2022an sartu zirela museoan, Juan Celaya Letamendi Fundazioak Arabako Foru Aldundiarekin zituen zorrak ordaintzeko emandakoak. Erakusketa honen helburua publikoari “Goyaren jeinuaren ikuspegi osoa” eskaintzea da.
Serieen artean, Kapritxoak (1799) ezjakintasuna eta nagusikeria kritikatzen ditu; Gerraren hondamendiak (1810-1815) Espainiako Independentzia Gerran izandako tragediak islatzen ditu; Tauromakia (1816) zezen jaien indarkeria kritikatzen du, eta Burugabekeriak (1815-1824) Goyaren sormen askatasuna eta gizarteko gogoeta irudikatzen ditu.
Erakusketa honek Jose Manuel Matillaren eta Aldundiko Zaharberrikuntza Zerbitzuaren laguntza izan du, eta zerbitzu honek funtsezko rola izan du erakusketa hau antolatzeko.
