Uztailaren 25ean, Gasteizko Ardo Upelen IX. Lasterketa
Uztailaren 25ean, Blusen eta Nesken Egunean, Gasteizko kuadrillek alaitasunez, kolorez eta umorez beteko dute erdigunea Ardo Upelen IX. Lasterketa dela eta. Hau, eguneko ekitaldirik berezi eta maiteenetakoa da, tradizioa, herri-kirola, ardoa eta lurraldearen sustapena uztartzen baititu. Ekitaldi hau Blusen eta Nesken Elkarteak eta Vitoria-Gasteiz Wine City elkarteak antolatu dute, Gasteizko Udalaren eta Vital Fundazioaren laguntzarekin.
Aurtengo edizioan, Bodegas Alútiz izango da upategi babeslea, eta parte-hartzaileei botila bana ardo emateaz gain, irabazle taldeari upela ere emango du. Lasterketa nazioarteko erakargarri gisa ezagutzen da, eta Arabako Errioxako ardoaren kultura hurbiltzeko aukera emango du.
Gainera, Gorka Aguinagalde aktore eta umorista ezaguna izango da, eta hark emango du lasterketa abiatzeko banderakada ofiziala. Aguinagalde, Gasteizen jaioa, antzerkian, zineman eta telebistan ibilbide luze bat du, hainbat proiektu ezagutan parte hartu duelarik.