Arabako Foru Aldundiaren ekimena Europako kanpaina onenetariko bat da
Arabako Foru Aldundiak bultzatutako “Jantzi zure burua. Konektatu, Murriztu, Berrerabili” kanpaina EWWR 2025 Hondakinen Prebentziorako Europako Asteko sarietan finalista hautatu dute. Kanpaina hau, jasangarritasunaren alorrean Europako aintzatespen nagusietako bat da.
Ekimen honek Europako 13.000 ekintza baino gehiagoen artean irabazi du lehiaketa hau, bere ikuspegi berritzailearekin nabarmentzen delarik, ehun hondakinari buruzko erronkari, ingurumen, hezkuntza eta gizarte ikuspegitik helduz. Gazteak eta adimen desgaitasuna duten pertsonak aldaketa eragile moduan funtsezkoak direla argi utzi du.
Arabako proiektua administrazio publikoen kategorian lehiatuko da, beste bi ekimenekin batera, eta, horrela, erreferentziazko proposamen gisa finkatuko du bere posizionamendua kontsumo ohitura arduratsuagoen sustapenean eta ekonomia zirkularreko ereduetara trantsizioan.
Irabazleak ekainaren 4an iragarriko dira Bruselan, Europako Aste Berdean egingo den EWWR sarien ospakizun ofizialaren esparruan.
Saray Zárate foru diputatuak aintzatespen honekin, prebentzioan lan egiteko bultzada bat eman duela baloratu du, eta eguneroko bizimoduan keinu txikiak handiak diren aldaketak eragiteko gai direla azpimarratu du.
“Jantzi zure burua” proiektuaren parte da, ingurumen sentsibilizazioa eta gizarte inklusioa bultzatzen duena Araban, eta jada bost urte ditu.
Horrela, proiektuak irakasgelatik kanpo jauzi bat egin du, herritarrekin konektatzeko azken erronketan arreta jarrita: ehun hondakinak. Ekintza komuniztatu eta komunikabideetan burututako kanpainak konbinatuz, arroparekiko harremana birpentsatzen eta balio handiagoa aurkitzeko gonbita egin du.
Kanpaina 1.500 pertsona baino gehiagoren parte hartzearekin eta 120.000 herritarretara iritsi da, sormena, ikaskuntza eta ohitura aldaketa uztartuz.
Aintzatespen horrek Araba jasangarritasun berrikuntzarekin konprometitutako lurralde moduan posizionatzen du, eta ekimen hau hondakinen prebentzioaren arloan nabarmenenetakoa dela frogatu du.
Hondakinen Prebentziorako Europako Asteko ekimenaren helburua, ekoizpen eta kontsumo eredu jasangarriagoak sustatzen eta gizartearen inplikazioa bultzatzea da.
