Valderejoko Parke Naturalean San Lorentzo Erromeria ospatuko da
Datorren astelehenean, abuztuaren 10ean, Valderejo naturagunean San Lorentzo Erromeria tradizionala ospatuko da. Ospakizun honek lurraldean tradizio sendoa du eta urtero biltzen dira Gaubeako eta Losako haraneko bizilagunak, baita paisaia, natura eta kultura zaleak ere.
Laurogeita hamarreko hamarkadan berpiztu zen, Valderejo naturagune babestua izendatu zutenean. Erromeria Arabako udako agendaren gailurrik nabarmenetakoa da, eta tradizio hauek bizirik mantentzeko aukera eskaintzen du.
Arabako Foru Aldundiaren Ekonomia Garapenaren eta Jasangarritasunaren Sailak antolatuko duen ekitaldia 11:00etan hasiko da, Anderejoko mendilerroan dagoen Done Laurendi ermitara igota, tradizioa jarraituz. Mugikortasun urriko pertsonak errazteko, 4×4 ibilgailuen zerbitzua eskainiko da, aldez aurretik erreserbatuta. Interesatuek informazioa eskatu eta izena eman dezakete 945 35 31 46 telefonoan edo parquevalderejo@parques.araba.eus helbide elektronikoko.
12:00etan meza egingo da ermitan, eta ondoren, bertaratuei txoripanak eta freskagarriak banatuko zaizkie. Jaia Gatzagako Bandak girotuko du, eta tokiko produktuen zozketa herrikoia ere egingo da.
Arratsaldean, programak San Lorentzoko XXVIII. Bolo Txapelketarekin jarraituko du, haurrentzako hainbat jarduerarekin batera. Jardunaldi honek natura, tradizioa eta herritarren parte-hartzea uztartuko ditu, Arabako naturgune berezienetako batean.
